ന്യൂഡൽഹി: ദേശീയ ചലച്ചിത്ര വികസന കോർപ്പറേഷന്റെ (NFDC) പാർട്ട്ടൈം ചെയർമാനായി പ്രശസ്ത നടനും ബിജെപി നേതാവുമായ ജി. കൃഷ്ണകുമാറിനെ നിയമിച്ചു. മൂന്ന് വർഷത്തേക്കാണ് നിയമന കാലാവധി. കൃഷ്ണകുമാറിനെ എന്എഫ്ഡിസിയുടെ നോൺ ഒഫീഷ്യൽ ഡയറക്ടറായും രാഷ്ട്രപതി നിയമിച്ചതായി കേന്ദ്ര വാർത്താവിനിമയ മന്ത്രാലയം ഔദ്യോഗികമായി അറിയിച്ചു.
ഉദ്യോഗാർത്ഥികൾക്ക് ആശ്വാസം; സംസ്ഥാനത്ത് പി.എസ്.സി റാങ്ക് ലിസ്റ്റുകളുടെ കാലാവധി നീട്ടി
കേന്ദ്ര സർക്കാരിന്റെ സിനിമാ നയങ്ങൾ രൂപീകരിക്കുന്നതിലും രാജ്യത്തെ ചലച്ചിത്ര വികസന പ്രവർത്തനങ്ങൾ ഏകോപിപ്പിക്കുന്നതിലും നിർണ്ണായക പങ്കുവഹിക്കുന്ന സ്ഥാപനമാണ് എൻഎഫ്ഡിസി. നിലവിൽ ബിജെപി ദേശീയ കൗൺസിൽ അംഗമായ കൃഷ്ണകുമാറിന് ലഭിച്ച ഈ പുതിയ ചുമതല അദ്ദേഹത്തിന്റെ രാഷ്ട്രീയ-സിനിമാ ജീവിതത്തിലെ വലിയ അംഗീകാരമായാണ് വിലയിരുത്തപ്പെടുന്നത്.
ഹോര്മുസ് കടലിടുക്കില് ഇറാന് പിടിച്ചെടുത്ത കപ്പലുകളുടെ ഉപഗ്രഹചിത്രങ്ങള് പുറത്ത്; ചര്ച്ചയ്ക്ക് തയ്യാറെന്ന് യുഎസ്
‘കാശ്മീരം’ എന്ന ചിത്രത്തിലൂടെ സിനിമാ രംഗത്തേക്ക് എത്തിയ കൃഷ്ണകുമാർ നിരവധി മലയാളം, തമിഴ് സിനിമകളിലും ജനപ്രിയ ടെലിവിഷൻ സീരിയലുകളിലും ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്.
2021 ഫെബ്രുവരിയിലാണ് കൃഷ്ണകുമാർ ബിജെപിയിൽ ചേർന്നത്. തുടർന്ന് നിയമസഭാ തിരഞ്ഞെടുപ്പിലും ഇക്കഴിഞ്ഞ ലോക്സഭാ തിരഞ്ഞെടുപ്പിലും അദ്ദേഹം സജീവമായി രംഗത്തുണ്ടായിരുന്നു.
