തിരുവനന്തപുരം: കാലടി സംസ്കൃത സർവകലാശാല വൈസ് ചാൻസലർ സ്ഥാനത്തുനിന്ന് ഡോ. കെ.കെ. ഗീതാകുമാരിയെ ഗവർണർ രാജേന്ദ്ര അർലേക്കർ നീക്കി. ബിഎഫ്എ പരീക്ഷയിൽ പരാജയപ്പെട്ട വിദ്യാർത്ഥിക്ക് നിയമവിരുദ്ധമായി എംഎഫ്എ പ്രവേശനം നൽകിയ സംഭവത്തിലാണ് ഗവർണറുടെ അടിയന്തര നടപടി. സാങ്കേതിക സർവകലാശാല മുൻ വി.സി ഡോ. സിസാ തോമസിനാണ് കാലടി വി.സിയുടെ പകരം ചുമതല നൽകിയിരിക്കുന്നത്.
കേന്ദ്രത്തിനെതിരെ പിണറായി! കേരളത്തെ ശ്വാസം മുട്ടിക്കാന് അനുവദിക്കില്ല; പാളയത്ത് സത്യാഗ്രഹമിരുന്ന് മുഖ്യമന്ത്രിയും മന്ത്രിമാരും എല്.ഡി.എഫ് നേതാക്കളും
തോറ്റ വിദ്യാർത്ഥിയെ വിജയിപ്പിക്കാനായി സർവകലാശാല സിൻഡിക്കറ്റ് എടുത്ത വിവാദ തീരുമാനം തടഞ്ഞുകൊണ്ട് ഗവർണർ നേരത്തെ ഉത്തരവിട്ടിരുന്നു. എന്നാൽ, ചാൻസലർ കൂടിയായ ഗവർണറുടെ ഈ ഉത്തരവ് നടപ്പാക്കാൻ വൈസ് ചാൻസലർ തയ്യാറായില്ല. ചാൻസലറുടെ നിർദ്ദേശങ്ങൾ ലംഘിച്ചതും സർവകലാശാലാ ചട്ടങ്ങൾക്ക് വിരുദ്ധമായി പ്രവർത്തിച്ചതും ഗൗരവകരമായ വീഴ്ചയാണെന്ന് വിലയിരുത്തിയാണ് പുറത്താക്കൽ നടപടി ഉണ്ടായത്.
ഗവർണറും സർക്കാരും തമ്മിലുള്ള ബന്ധം വീണ്ടും വഷളായിരിക്കുന്ന സാഹചര്യത്തിൽ, ഡോ. സിസാ തോമസിനെ വീണ്ടും ഒരു സർവകലാശാലയുടെ തലപ്പത്തേക്ക് കൊണ്ടുവന്ന ഗവർണറുടെ നീക്കം രാഷ്ട്രീയ വൃത്തങ്ങളിലും വലിയ ചർച്ചകൾക്ക് വഴിവെച്ചിട്ടുണ്ട്. കാലടി സർവകലാശാലയിലെ അക്കാദമിക് നിലവാരത്തെയും ഭരണസംവിധാനത്തെയും ബാധിക്കുന്ന ഇത്തരം ക്രമക്കേടുകൾ അനുവദിക്കില്ലെന്ന ശക്തമായ മുന്നറിയിപ്പാണ് ഈ നടപടിയിലൂടെ ഗവർണർ നൽകുന്നത്.
ഗുരുവായൂര് ദേവസ്വം അധ്യക്ഷനായി എ.വി. ഗോപിനാഥ് ഉടന് എത്തും; വടക്കന് മേഖലയ്ക്ക് പരിഗണന നല്കി മുഖ്യമന്ത്രി; അഴിമതിക്കെതിരെയുള്ള പോരാട്ടത്തിന് അംഗീകാരം; തിരുവനന്തപുരത്തെ പ്രധാനിയ്ക്ക് തടസ്സമായത് ‘വടക്ക്’ എന്ന പരിഗണന
