ഡോ.വന്ദനാദാസ് കൊലക്കേസ് പ്രതി ജി.സന്ദീപിന്റെ അപ്പീലന്മേൽ സംസ്ഥാന സര്ക്കാരിന്റെ വിശദീകരണം തേടി ഹൈക്കോടതി. കൊല്ലം അഡീഷണല് സെഷന്സ് കോടതി വിധിച്ച ജീവപര്യന്തം റദ്ദാക്കണമെന്ന് ആവശ്യപ്പെട്ട് പ്രതി നല്കിയ അപ്പീല് ഫയലില് സ്വീകരിച്ചാണ് ഡിവിഷന് ബെഞ്ചിന്റെ നടപടി. വിചാരണക്കോടതിയിലെ രേഖകള് വിളിച്ചുവരുത്താന് രജിസ്ട്രിയോട് ഹൈക്കോടതി നിര്ദ്ദേശിച്ചു.
രാഹുൽ മാങ്കൂട്ടത്തിലിന്റെ ജാമ്യം റദ്ദാക്കണം; അതിജീവിത സുപ്രീം കോടതിയിൽ
സന്ദീപിന്റെ അപ്പീലിനെ എതിര്ത്ത് വന്ദന ദാസിന്റെ കുടുംബവും കക്ഷിചേര്ന്നിട്ടുണ്ട്. ജൂലൈ ഏഴിനാകും അപ്പീൽ വീണ്ടും ഹൈക്കോടതി പരിഗണനക്ക് എടുക്കുക. നിയമപരമായി സ്വീകരിക്കാനാവാത്ത തെളിവുകളുടെ അടിസ്ഥാനത്തിലാണ് വിചാരണക്കോടതി ശിക്ഷ വിധിച്ചതെന്നാണ് പ്രതി ജി സന്ദീപിന്റെ വാദം.
2023 മെയ് 10ന് പുലര്ച്ചെയാണ് കൊട്ടാരക്കര താലൂക്ക് ആശുപത്രിയില് വെച്ച് ഡോക്ടര് വന്ദനാ ദാസിനെ മദ്യലഹരിയില് പ്രതി സന്ദീപ് കുത്തി കൊലപ്പെടുത്തിയത്. നെടുമ്പനയിലെ എയ്ഡഡ് സ്കൂള് അധ്യാപകനായിരുന്ന കുടവട്ടൂര് സ്വദേശി സന്ദീപ് ഡോ.വന്ദനയെ സര്ജിക്കല് ബ്ലേഡ് ഉപയോഗിച്ചാണ് കുത്തി കൊലപ്പെടുത്തിയത്.
ആർ.എസ്.പി പാർലമെന്ററി പാർട്ടി നേതാവായി ഷിബു ബേബി ജോൺ; മന്ത്രിസ്ഥാനത്തേക്കും ഏകകണ്ഠമായ തീരുമാനം
