ഹൈദരാബാദ് : തെലുങ്ക് സൂപ്പര്താരം രാം ചരണിനും ഭാര്യ ഉപാസന കൊനിഡേലയ്ക്കും ഇരട്ടക്കുട്ടികള് പിറന്നു. ഒരാണ്കുഞ്ഞും പെണ്കുഞ്ഞുമാണ് തങ്ങളുടെ കുടുംബത്തിലേക്ക് എത്തിയതെന്ന സന്തോഷവാര്ത്ത മുത്തച്ഛനും മെഗാസ്റ്റാറുമായ ചിരഞ്ജീവിയാണ് സോഷ്യല് മീഡിയയിലൂടെ ലോകത്തെ അറിയിച്ചത്.
മമ്മൂട്ടിക്കമ്പനിയുടെ മറവില് തട്ടിപ്പ്. അച്ചായന്സ് ഫിലിം ഹൗസ് നിയമനടപടിയിലേക്ക്
ഹൈദരാബാദിലെ അപ്പോളോ ആശുപത്രിയില് വെച്ചായിരുന്നു പ്രസവം. ‘ഞങ്ങളുടെ കുടുംബത്തിലേക്ക് പുതിയ അതിഥികളെ സ്വാഗതം ചെയ്യുന്നു. മുത്തച്ഛനും മുത്തശ്ശിയുമായ ഞാനും സുരേഖയും പറഞ്ഞറിയിക്കാനാവാത്ത സന്തോഷത്തിലാണ്,’ എന്ന് ചിരഞ്ജീവി എക്സില് കുറിച്ചു. അമ്മയും കുഞ്ഞുങ്ങളും ആരോഗ്യവാന്മാരായി ഇരിക്കുന്നുവെന്നും അദ്ദേഹം വ്യക്തമാക്കി.
2012-ല് വിവാഹിതരായ രാം ചരണിനും ഉപാസനയ്ക്കും 11 വര്ഷത്തെ കാത്തിരിപ്പിന് ശേഷമാണ് 2023-ല് ആദ്യത്തെ കണ്മണി പിറന്നത്. ക്ലിന് കാര കൊനിഡേല എന്ന് പേരിട്ട മകളുടെ രണ്ടാം ജന്മദിനം കഴിഞ്ഞ ജൂണിലായിരുന്നു ആഘോഷിച്ചത്. ഇപ്പോള് ഇരട്ടക്കുട്ടികള് കൂടി എത്തിയതോടെ മെഗാ സ്റ്റാറിന്റെ കുടുംബത്തില് ആഘോഷങ്ങള് ഇരട്ടിയായിരിക്കുകയാണ്.വാര്ത്ത പുറത്തുവന്നതിന് പിന്നാലെ ജൂനിയര് എന്.ടി.ആര്, അല്ലു അര്ജുന് ഉള്പ്പെടെയുള്ള പ്രമുഖ താരങ്ങളും ആരാധകരും ദമ്പതികള്ക്ക് ആശംസകളുമായി രംഗത്തെത്തിയിട്ടുണ്ട്.
യാഷ് ചിത്രത്തിന്റെ ടീസർ പിൻവലിക്കണം! ‘ടോക്സിക്കി’നെതിരെ വനിതാ കമ്മീഷനിൽ പരാതി; അശ്ലീലതയും സ്ത്രീവിരുദ്ധതയുമെന്ന് ആരോപണം
