തിരുവനന്തപുരം: നെടുമങ്ങാട് പനവൂരില് ഒന്നരവയസ്സുകാരന് അര്ഷിതിനെ ക്രൂരമായി കൊലപ്പെടുത്തിയ കേസില് അറസ്റ്റിലായ രണ്ടാനച്ഛന് അഷ്കറും അമ്മ അഖിലയും ചേര്ന്ന് നടത്തിയ കൊടുംക്രൂരതകളുടെ ചുരുളഴിയുമ്പോള് കേരള മനസ്സാക്ഷിയെ ഞെട്ടിക്കുന്ന കൂടുതല് ദുരൂഹതകള് പുറത്ത് വരുന്നു. അര്ഷിതിന്റെ കൊലപാതകത്തിന് പുറമേ, അഖിലയുടെ ആദ്യ ഭര്ത്താവിന്റെയും ഇവര്ക്കൊപ്പം ജോലി ചെയ്തിരുന്ന മറ്റൊരു യുവതിയുടെയും മരണങ്ങളിലേക്ക് പോലീസ് അന്വേഷണം അടിയന്തരമായി വ്യാപിപ്പിച്ചു. ക്രൂരനായ അഷ്കറിന് മുന്പ് സംരക്ഷണമൊരുക്കിയ നെടുമങ്ങാട് സ്റ്റേഷനിലെ പോലീസുകാര്ക്കെതിരെ കര്ശന നടപടി സ്വീകരിക്കാന് ആഭ്യന്തരമന്ത്രി രമേശ് ചെന്നിത്തല നേരിട്ട് നിര്ദ്ദേശം നല്കിയിട്ടുണ്ട്.
അര്ഷിതിന്റെ പിതാവും അഖിലയുടെ ആദ്യ ഭര്ത്താവുമായ അഖിലിന്റെ മരണത്തിലും അഖിലയ്ക്കൊപ്പം ഡാന്സ് സ്കൂളില് ജോലി ചെയ്തിരുന്ന ചിറയിന്കീഴ് സ്വദേശിനിയായ സ്ത്രീയുടെ മരണത്തിലുമാണ് ഇപ്പോള് പോലീസ് പുനരന്വേഷണം പ്രഖ്യാപിച്ചിരിക്കുന്നത്. അഖില അര്ഷിതിനെ ഗര്ഭം ധരിച്ചിരിക്കെയായിരുന്നു അഖിലിന്റെ ദുരൂഹ മരണം. അഖിലയ്ക്ക് വിവാഹത്തിന് മുന്പും മറ്റൊരു ബന്ധമുണ്ടായിരുന്നതായും ഇതേച്ചൊല്ലിയുള്ള തര്ക്കങ്ങള് മുന്പ് പോലീസ് സ്റ്റേഷനില് വരെ എത്തിയിരുന്നതായും അഖിലിന്റെ പിതാവ് സുനില് കുമാര് വെളിപ്പെടുത്തിയിട്ടുണ്ട്. കൂടാതെ, ഡാന്സ് സ്കൂളിലെ ഡ്രൈവറായിരുന്ന അഷ്കറുമായി വിവാഹം ഉറപ്പിച്ചിരുന്ന മറ്റൊരു യുവതി, അഷ്കര് ഇതില് നിന്ന് പിന്മാറി അഖിലയ്ക്കൊപ്പം താമസം തുടങ്ങിയതിന് പിന്നാലെയാണ് ദുരൂഹ സാഹചര്യത്തില് മരിച്ചത്. ഈ രണ്ട് മരണങ്ങളിലും അഖിലയ്ക്കും അഷ്കറിനും പങ്കുണ്ടോയെന്നാണ് പോലീസ് പരിശോധിക്കുന്നത്. കൂടാതെ കുഞ്ഞിനെ പീഡിപ്പിക്കുന്നതില് അഷ്കറിന്റെ മാതാവിനും സഹോദരിക്കുമുള്ള പങ്ക് കണ്ടെത്താന് അന്വേഷണം അവരിലേക്കും വ്യാപിപ്പിച്ചിട്ടുണ്ട്.
സ്വന്തം സുഖജീവിതത്തിന് കുഞ്ഞ് ബാധ്യതയാകുമെന്ന് കരുതിയാണ് അഷ്കറും അഖിലയും ചേര്ന്ന് ഈ ക്രൂരകൃത്യം ചെയ്തത്. മാസങ്ങളോളം നീണ്ടുനിന്ന മനുഷ്യത്വരഹിതമായ പീഡനങ്ങളുടെ ഒടുവിലാണ് ആ പിഞ്ചുകുഞ്ഞിന്റെ ജീവന് പൊലിഞ്ഞത്. കുഞ്ഞിന്റെ കരച്ചില് പുറത്തുകേള്ക്കാതിരിക്കാന് വായില് തുണി തിരുകിയാണ് അഷ്കര് ക്രൂരത കാട്ടിയിരുന്നത്. അമ്മ അഖിലയുടെ സാന്നിധ്യത്തിലായിരുന്നു പലപ്പോഴും ഈ പീഡനങ്ങളെല്ലാം അരങ്ങേറിയിരുന്നത്. ഒടുവില് ഭക്ഷണം നല്കുന്നതിനിടെ കുഞ്ഞ് നിര്ത്താതെ കരഞ്ഞപ്പോള്, കുഞ്ഞിന്റെ തല ഭിത്തിയില് ശക്തമായി ഇടിപ്പിക്കുകയും തലയ്ക്കടിക്കുകയും ചെയ്യുകയായിരുന്നു. ചോറ് തൊണ്ടയില് കുടുങ്ങി ഛര്ദ്ദിച്ചതാണെന്ന് വരുത്തിതീര്ക്കാന് പ്രതി ശ്രമിച്ചെങ്കിലും പോസ്റ്റ്മോര്ട്ടം റിപ്പോര്ട്ടില് തലയിലുണ്ടായ ആന്തരിക രക്തസ്രാവവും നെഞ്ചിനേറ്റ ക്ഷതവുമാണ് മരണകാരണമെന്ന് വ്യക്തമായി. കുഞ്ഞിന്റെ ശരീരത്തില് ചെറുതും വലുതുമായ 56-ഓളം മുറിവുകളാണ് കണ്ടെത്തിയത്. ജനനേന്ദ്രിയത്തിലെ തൊലി രണ്ടാക്കി കീറുകയും, പാദങ്ങള്ക്കടിയിലെ തൊലിയാകെ സിഗരറ്റ് ലൈറ്റര് ഉപയോഗിച്ച് പൊള്ളിച്ച നിലയിലുമായിരുന്നു.
ഭക്ഷണത്തിന്റെ പേരില് കുഞ്ഞിന്റെ തല ഭിത്തിയില് ഇടിപ്പിച്ചു കൊലപ്പെടുത്തിയ അഷ്കര് മുന്പും സമാനമായ രീതിയില് സ്വന്തം ആദ്യ ഭാര്യ ആമിനയുടെ തലയോട്ടി തകര്ത്തിരുന്നു. ആമിനയുടെ തല ഭിത്തിയില് ശക്തമായി ഇടിപ്പിക്കുകയും അടിവയറ്റില് ബൂട്ടിട്ട് ചവിട്ടുകയും ചെയ്തതിനെ തുടര്ന്ന് ആ യുവതി ഇപ്പോള് കോമയ്ക്ക് സമാനമായ അവസ്ഥയില് ചികിത്സയിലാണ്. ആമിനയുടെ കുടുംബം ആറു തവണ പരാതി നല്കിയിട്ടും അന്ന് അഷ്കറിനെതിരെ നടപടിയെടുക്കാന് നെടുമങ്ങാട് പോലീസ് തയ്യാറായില്ല. പോലീസുകാരുടെ പ്രിയ ഡ്രൈവറായിരുന്ന അഷ്കറിനെ സംരക്ഷിക്കാന് പോലീസ് കാട്ടിയ നിസ്സംഗതയാണ് ഇപ്പോള് ഒരു പിഞ്ചുകുഞ്ഞിന്റെ ജീവനെടുത്തത്. കുറ്റവാളിയെ സംരക്ഷിച്ച നെടുമങ്ങാട് പോലീസുകാരെ സര്വീസില് വച്ചുകൊണ്ടിരിക്കരുതെന്നും അവരെ അടിയന്തരമായി പുറത്താക്കണമെന്നും ആഭ്യന്തരമന്ത്രി രമേശ് ചെന്നിത്തലയ്ക്ക് മുന്നില് ആവശ്യങ്ങള് ശക്തമായിക്കഴിഞ്ഞു. സാധാരണക്കാര്ക്ക് നീതി ഉറപ്പാക്കാന് ആഭ്യന്തരവകുപ്പ് കര്ശന നടപടികളിലേക്ക് നീങ്ങുകയാണ്.
തെളിവെടുപ്പിനായി വാടകവീട്ടില് എത്തിച്ചപ്പോള് ജനരോഷം ആഞ്ഞടിക്കുകയും നാട്ടുകാര് പ്രതിയുടെ കാര് അടിച്ചുതകര്ക്കുകയും ചെയ്തു. നാട്ടുകാരുടെ ശക്തമായ പ്രതിഷേധം കാരണം രണ്ടാം പ്രതിയായ അമ്മ അഖിലയുമായുള്ള തെളിവെടുപ്പ് പോലീസിന് താല്ക്കാലികമായി മാറ്റിവെക്കേണ്ടി വന്നിട്ടുണ്ട്. സംഭവദിവസം തമിഴ്നാട്ടില് ഡാന്സ് പരിപാടിക്ക് പോയിരുന്നു എന്നാണ് അഖിലയുടെ മൊഴിയെങ്കിലും, കൊലപാതകത്തില് ഇവരുടെ പങ്കിനെക്കുറിച്ച് പോലീസ് വിശദമായ അന്വേഷണം തുടരുകയാണ്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
അമ്മയെ കൊന്നു, പിന്നെ സഹോദരിയെ വിളിച്ച് ‘മരണവിവരം’; ലഹരി വളര്ത്തിയ ക്രൂരതയുമായി ക്രിസ്റ്റി സ്റ്റേഷനിലേക്ക്; കേളകത്ത് കണ്ണീര് പടരുന്നു
