തെലങ്കാന: തെലങ്കാന രാഷ്ട്രീയത്തിൽ വൻ ഭൂകമ്പം സൃഷ്ടിച്ചുകൊണ്ട് മുൻ ബിആർഎസ് നേതാവും എംപിയുമായ കൽവകുന്ത്ല കവിത പുതിയ രാഷ്ട്രീയ പാർട്ടി പ്രഖ്യാപിച്ചു. ‘തെലങ്കാന രാഷ്ട്ര സേന’ (ടിആർഎസ്) എന്നാണ് പുതിയ സംഘടനയുടെ പേര്. മുൻ മുഖ്യമന്ത്രിയും ഭാരത് രാഷ്ട്ര സമിതി (ബിആർഎസ്) അധ്യക്ഷനുമായ കെ. ചന്ദ്രശേഖർ റാവുവിന്റെ മകളായ കവിത, ബിആർഎസിന്റെ പഴയ രൂപമായ തെലങ്കാന രാഷ്ട്ര സമിതിയെ അനുസ്മരിപ്പിക്കുന്ന പേര് തന്നെ തിരഞ്ഞെടുത്തത് രാഷ്ട്രീയ കേന്ദ്രങ്ങളിൽ വലിയ ചർച്ചകൾക്ക് വഴിവെച്ചിരിക്കുകയാണ്.
വിജയ്ക്കെതിരെ ആഞ്ഞടിച്ച് പ്രകാശ് രാജ്; “തിയേറ്ററിൽ വിസിലടിക്കാം, പക്ഷേ ഭരണം ഏൽപ്പിക്കരുത്”
കെസിആറിന്റെ രാഷ്ട്രീയ പിൻഗാമിയായി സഹോദരൻ കെ.ടി. രാമറാവുവിനെ ഉയർത്തിക്കാട്ടുന്നതിലുള്ള കടുത്ത അതൃപ്തിയെത്തുടർന്ന് ഏഴ് മാസം മുൻപാണ് കവിത ബിആർഎസ് വിട്ടത്. കുടുംബത്തിനുള്ളിലെ ഈ അധികാരത്തർക്കം ഒടുവിൽ പുതിയ പാർട്ടിയുടെ രൂപീകരണത്തിൽ കലാശിക്കുകയായിരുന്നു.
പാർട്ടി പ്രഖ്യാപനത്തിന് തൊട്ടുപിന്നാലെ 1.3 ദശലക്ഷം ഫോളോവേഴ്സുള്ള തന്റെ ഔദ്യോഗിക എക്സ് ഹാൻഡിലിലൂടെ വൈകാരികവും എന്നാൽ കടുത്ത ഭാഷയിലുമുള്ള പ്രതികരണമാണ് കവിത നടത്തിയത്. ‘തെലങ്കാന രാഷ്ട്ര സേന’ എന്ന പേര് രാഷ്ട്രീയ എതിരാളികൾ ഓർത്തുവെക്കണമെന്നും എന്ത് പ്രതിസന്ധിയുണ്ടായാലും തന്റെ ലക്ഷ്യത്തിൽ നിന്ന് പിന്നോട്ട് പോകില്ലെന്നും അവർ ഉറപ്പിച്ചു പറഞ്ഞു.
മഹാരാഷ്ട്രയില് ഷിന്ഡെയെ വീഴ്ത്താന് അവിശ്വസനീയ സഖ്യം; കോണ്ഗ്രസും ബിജെപിയും കൈകൊടുത്തു ; അംബെര്നാഥില് ബിജെപിക്ക് മേയര് സ്ഥാനം
തെലങ്കാനയിലെ ജനങ്ങൾ തങ്ങളുടെ നിലപാട് വ്യക്തമാക്കേണ്ട കൃത്യമായ സമയമാണിതെന്നും സ്വന്തം അഭിലാഷങ്ങൾ തകരാൻ താൻ അനുവദിക്കില്ലെന്നും അവർ കുറിച്ചു. തങ്ങളുടെ പാതയിൽ തടസ്സമായി നിൽക്കുന്നവർക്ക് കടുത്ത മുന്നറിയിപ്പ് നൽകിയ കവിത, മറ്റുള്ളവരുടെ സമയം അവസാനിച്ചെന്നും ഇനി തന്റെയും തന്റെ പാർട്ടിയുടെയും സമയമാണെന്നും പ്രഖ്യാപിച്ചുകൊണ്ടാണ് രാഷ്ട്രീയത്തിൽ പുതിയ പോരാട്ടത്തിന് തുടക്കം കുറിച്ചിരിക്കുന്നത്. കവിതയുടെ ഈ നീക്കം വരും ദിവസങ്ങളിൽ തെലങ്കാനയിലെ രാഷ്ട്രീയ സമവാക്യങ്ങളിൽ വലിയ മാറ്റങ്ങൾ വരുത്തുമെന്ന് ഉറപ്പാണ്.
