ദൈവത്തിന്റെ സ്വന്തം നാട്ടിൽ അക്ഷയ് കുമാറും വിദ്യ ബാലനും; പുതിയ ചിത്രത്തിന് കേരളത്തിൽ തുടക്കം

വിമാനത്താവളത്തിലെ റൺവേയിലൂടെ വിദ്യ ബാലനൊപ്പം വളരെ സന്തോഷത്തോടെ സംസാരിച്ചു നടന്നുപോകുന്ന വീഡിയോയാണ് അക്ഷയ് കുമാർ ഇൻസ്റ്റാഗ്രാമിൽ പോസ്റ്റ് ചെയ്തത്. വരാനിരിക്കുന്ന ചിത്രത്തെക്കുറിച്ചും വിദ്യ ബാലനുമായുള്ള സ്ക്രീൻ കെമിസ്ട്രിയെക്കുറിച്ചും വലിയ പ്രതീക്ഷയിലാണ് അക്ഷയ് കുമാറും ആരാധകരും. കേരളത്തിലെ മനോഹരമായ വിവിധ ലൊക്കേഷനുകളിലായി വരും ദിവസങ്ങളിൽ ചിത്രത്തിന്റെ പ്രധാന ഭാഗങ്ങൾ ക്യാമറയിലാക്കും.

Also Read വിജയ്ക്ക് തിരിച്ചടി; ഹർജി തള്ളി മദ്രാസ് ഹൈക്കോടതി:’ ഒന്നരക്കോടി രൂപ’ പിഴ അടയ്ക്കണം

ഏകദേശം 12 ദിവസത്തോളം നീളുന്ന ചിത്രീകരണമാണ് ടീം ഇവിടെ പ്ലാൻ ചെയ്തിരിക്കുന്നത്. മൂന്നാർ, മറയൂർ, കുട്ടിക്കാനം, പീരുമേട് എന്നിവിടങ്ങളിലാണ് പ്രധാനമായും ഷൂട്ടിംഗ് നടക്കുക. ഇതിനുമുൻപും നിരവധി ബോളിവുഡ് ചിത്രങ്ങൾക്ക് പശ്ചാത്തലമായ ഈ വിനോദസഞ്ചാര കേന്ദ്രങ്ങൾ ഇത്തവണ അനീസ് ബസ്മി ചിത്രത്തിലൂടെ വീണ്ടും വെള്ളിത്തിരയിൽ വിസ്മയം തീർക്കാനൊരുങ്ങുകയാണ്.