കോഴിക്കോട്: മലബാറിലെ പ്രമുഖ ബാരല് വ്യവസായി സി.പി. ഹംസയുടെ ബിസിനസ് സാമ്രാജ്യത്തിന്റെ കണക്കുപുസ്തകങ്ങള് ഇനി ആര് നോക്കും? 16 വയസ്സുകാരി നസ്രീനയുടെ ചോര വീണതോടെ അനാഥമായത് ഒരു വലിയ വ്യവസായ ശൃംഖലയുടെ ഓഫീസ് കൂടിയാണ്. മൂഴിക്കലിലെ ‘പൂതംകുഴിമീത്തല്’ വീടിന്റെ ചുവരുകളില് പതിഞ്ഞ ചോരപ്പടലുകള് കേവലം ഒരു പകയുടെ കഥയല്ല, മറിച്ച് കോടികളുടെ ബിസിനസ് താല്പര്യങ്ങളുടെയും നിഗൂഢമായ ചതിയുടെയും ബാക്കിപത്രമാണോ എന്ന് പോലീസ് സംശയിക്കുന്നു.
മെഡിക്കല് എന്ട്രന്സിന്റെ വലിയ സ്വപ്നങ്ങളുമായി പുസ്തകങ്ങളില് മുഴുകേണ്ട പ്രായത്തില്, അപ്പൂപ്പന് സി.പി. ഹംസയുടെ വലംകൈയായിരുന്നു നസ്രീന. വെറും പതിനാറാം വയസ്സില് ബിസിനസ് ഇടപാടുകളും ബാങ്ക് അക്കൗണ്ടുകളും നിയന്ത്രിച്ചിരുന്ന നസ്രീനയെ കുടുംബം കണ്ടത് തങ്ങളുടെ സാമ്രാജ്യത്തിന്റെ ഭാവി വാഗ്ദാനമായാണ്. എന്നാല്, ഒരു കൗമാരക്കാരിക്ക് എങ്ങനെ കോടികളുടെ ബിസിനസ് നിയന്ത്രിക്കാനായി എന്ന ചോദ്യം നാട്ടുകാര്ക്കിടയില് ഇപ്പോഴും അവിശ്വസനീയമായി തുടരുന്നു.
വീട്ടില്നിന്ന് 40,000 രൂപ അദിനാന് മോഷ്ടിച്ചത് നസ്രീനയുടെ സൂക്ഷ്മനിരീക്ഷണത്തിലാണ് കുടുങ്ങിയത്. ‘കുട്ടി മാനേജര്’ തന്റെ കളവ് പൊളിച്ചതും വീട്ടില്നിന്ന് പുറത്താക്കിയതുമാണ് അദിനാന്റെ ഉള്ളില് പകയുടെ കനല് കോരിയിട്ടത്. ഈ പകയാണ് ഡോക്ടറാകാന് മോഹിച്ച നസ്രീനയുടെ ജീവനെടുത്തതെന്നാണ് പോലീസിന്റെ പ്രാഥമിക നിഗമനം. എന്നാല് കൊലപാതകത്തിന് ശേഷം അദിനാന് എന്തിന് അലമാരയുടെ താക്കോലിനായി പരതി എന്നത് സാമ്പത്തിക താല്പര്യങ്ങളിലേക്ക് വിരല് ചൂണ്ടുന്നു.
കേസിന്റെ ഗതി മാറ്റുന്നത് വീട്ടിലെ കിണറ്റില് നിന്ന് കണ്ടെടുത്ത മൂന്ന് മൊബൈല് ഫോണുകളാണ്. മരിക്കാന് പോകുന്ന ഒരാള് എന്തിന് തെളിവുകള് നശിപ്പിക്കണം? അദിനാന് നസ്രീനയെ കൊലപ്പെടുത്തിയ ശേഷം ആത്മഹത്യ ചെയ്തതാണെങ്കില്, ഫോണുകള് കിണറ്റിലെറിയാന് മൂന്നാമതൊരാളുടെ സാന്നിധ്യം അവിടെ ഉണ്ടായിരുന്നോ? ഫോണുകള് നശിപ്പിക്കാന് ശ്രമിച്ച മൂന്ന് അടുത്ത ബന്ധുക്കളെ കേന്ദ്രീകരിച്ചാണ് ഇപ്പോള് അന്വേഷണം.
അദിനാന്റെ മരണം പോലീസിനെ കുഴക്കുന്ന വലിയൊരു കടങ്കഥയാണ്. പാക്കിങ് ടേപ്പ് കൊണ്ട് മുഖം വരിഞ്ഞുമുറുക്കി ആരെങ്കിലും ആത്മഹത്യ ചെയ്യുമോ? ശ്വാസം കിട്ടാതെ പിടയുമ്പോള് ടേപ്പ് മാറ്റാന് അദിനാന് ശ്രമിക്കാത്തത് എന്തുകൊണ്ട്? മൃതദേഹത്തിലെ പാടുകളും മല്പ്പിടുത്തത്തിന്റെ സൂചനകളും മറ്റൊരാളാല് അദിനാന് കൊല്ലപ്പെട്ടതാണോ എന്ന സംശയം ബലപ്പെടുത്തുന്നു.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
‘ദിലീപിനെ വിളിക്കൂ അമ്മയെ രക്ഷിക്കൂ’ എന്ന് നടീനടന്മാരുടെ മുറവിളി; താര സംഘടനയില് അടിമുറുകുന്നു; ടിനി ടോമിന് വേണ്ടി ലക്ഷ്മി പ്രിയ… ആകെ കുളമാകുന്നു… മോഹന്ലാലും മമ്മൂട്ടിയും എവിടെ? എല്ലാവരേയും നിലയ്ക്ക് നിര്ത്താന് ‘ജനപ്രിയന്’ വീണ്ടും വരുമോ?
