നാസിക്: പ്രമുഖ ഐടി കമ്പനിയായ ടാറ്റാ കണ്സള്ട്ടന്സി സര്വീസസിന്റെ (ടിസിഎസ്) നാസികിലെ ഓഫീസില് നടന്നത് വര്ഷങ്ങള് നീണ്ട ആസൂത്രിതമായ പീഡനപരമ്പരയെന്ന് പ്രത്യേക അന്വേഷണ സംഘത്തിന്റെ റിപ്പോര്ട്ട്. സ്ത്രീ ജീവനക്കാരെ ലൈംഗികമായി ചൂഷണം ചെയ്യുകയും ഹൈന്ദവ ദൈവങ്ങളെ അപമാനിക്കുകയും നിര്ബന്ധിത മതപരിവര്ത്തനത്തിന് ഇരയാക്കുകയും ചെയ്ത സംഭവത്തില് ഇതുവരെ ഒന്പത് എഫ്ഐആറുകളാണ് രജിസ്റ്റര് ചെയ്തിരിക്കുന്നത്.
2022 മുതല് 2026 തുടക്കം വരെ നീണ്ടുനിന്ന ക്രൂരതകളാണ് ഇപ്പോള് പുറത്തുവരുന്നത്. ബിപിഒ യൂണിറ്റിലെ ജീവനക്കാരായ ആസിഫ് അന്സാരി, ഷാഫി ഷെയ്ഖ്, ഷാരൂഖ് ഖുറേഷി, റാസ മേമന്, തൗസിഫ് അത്താര് തുടങ്ങി ഏഴുപേരെ പോലീസ് ഇതിനകം അറസ്റ്റ് ചെയ്തു. ഇവര്ക്കെതിരെ ലൈംഗികാതിക്രമം, മതവിശ്വാസത്തെ മുറിപ്പെടുത്തല് തുടങ്ങിയ വകുപ്പുകള് ചുമത്തിയിട്ടുണ്ട്.
കേസിലെ മുഖ്യപ്രതികളിലൊരാളായ എച്ച്ആര് മാനേജര് നിദ ഖാന് ഇപ്പോള് ഒളിവിലാണ്. പീഡനത്തിനിരയായ പെണ്കുട്ടികളെ പ്രതികള്ക്ക് പരിചയപ്പെടുത്തിക്കൊടുക്കുന്ന കണ്ണിയായി പ്രവര്ത്തിച്ചത് നിദയാണെന്ന് പോലീസ് കണ്ടെത്തി. നിയമനങ്ങളില് നിദ കാട്ടിയ ക്രമക്കേടുകളും അന്വേഷണ പരിധിയിലാണ്. ഉന്നത ഉദ്യോഗസ്ഥരുമായി ബന്ധമുണ്ടാക്കാന് ഇവര് പെണ്കുട്ടികളെ പ്രേരിപ്പിച്ചിരുന്നു.
ഹൈന്ദവ ദൈവങ്ങളെ പ്രതികള് ക്രൂരമായി പരിഹസിച്ചിരുന്നതായി പരാതിക്കാര് പറയുന്നു. ഇതിനു പുറമെ, സസ്യാഹാരികളായ ജീവനക്കാരെ നിര്ബന്ധിച്ച് മാംസാഹാരം കഴിപ്പിക്കുകയും നിസ്കരിക്കാനും പ്രത്യേക രീതിയിലുള്ള വസ്ത്രങ്ങള് ധരിക്കാനും സമ്മര്ദ്ദം ചെലുത്തി. മതപരമായ കാര്യങ്ങള് പറഞ്ഞ് സ്ത്രീ ജീവനക്കാരെ മാനസികമായി തകര്ക്കാനാണ് ഇവര് ശ്രമിച്ചത്.
ഓഫീസ് മീറ്റിംഗുകള്ക്കിടയില് സ്ത്രീകളുടെ ശരീരഭാഗങ്ങളിലേക്ക് തുറിച്ചുനോക്കുകയും അശ്ലീല പരാമര്ശങ്ങള് നടത്തുകയും ചെയ്യുന്നത് പതിവായിരുന്നുവെന്ന് എഫ്ഐആറില് പറയുന്നു. സ്വകാര്യ ജീവിതത്തെക്കുറിച്ചും ദാമ്പത്യത്തെക്കുറിച്ചും മോശം ചോദ്യങ്ങള് ചോദിച്ച് ഇവരെ അപമാനിച്ചിരുന്നു. ജോലിസ്ഥലത്ത് നിരന്തരം പിന്തുടര്ന്ന് ശല്യം ചെയ്തതായും പരാതിയുണ്ട്.
പ്രതികളിലൊരാളായ തൗസിഫ് അത്താര്, വിവാഹവാഗ്ദാനം നല്കി ഒരു യുവതിയെ ശാരീരികമായി ചൂഷണം ചെയ്തതായും വിവരമുണ്ട്. ഇത് കേവലം വ്യക്തിപരമായ പ്രശ്നമല്ലെന്നും ആസൂത്രിതമായ നീക്കമാണെന്നും പരാതിക്കാര് ആരോപിക്കുന്നു. എതിര്പ്പ് പ്രകടിപ്പിച്ചവരെ ജോലിയില് നിന്ന് പിരിച്ചുവിടുമെന്ന് ഭീഷണിപ്പെടുത്തിയിരുന്നു.
ടിസിഎസ് പോലുള്ള ഒരു ആഗോള കമ്പനിക്കുള്ളില് നടന്ന ഈ ക്രൂരതയെ ‘കോര്പ്പറേറ്റ് ജിഹാദ്’ എന്നാണ് ബിജെപി നേതാവ് ബന്ദി സഞ്ജയ് കുമാര് വിശേഷിപ്പിച്ചത്. കര്ശന നടപടി വേണമെന്നാവശ്യപ്പെട്ട് ഹിന്ദു സംഘടനകളും രംഗത്തെത്തിയിട്ടുണ്ട്. സംഭവം വലിയ രാഷ്ട്രീയ വിവാദങ്ങള്ക്കും വഴിവെച്ചിരിക്കുകയാണ്.
വിവാദം കൊഴുത്തതോടെ ടാറ്റാ സണ്സ് ചെയര്മാന് നേരിട്ട് വിഷയത്തില് ഇടപെട്ടു. കുറ്റക്കാര്ക്കെതിരെ വിട്ടുവീഴ്ചയില്ലാത്ത നടപടിയെടുക്കുമെന്നും കമ്പനി തലത്തില് സമഗ്രമായ അന്വേഷണം നടക്കുന്നുണ്ടെന്നും അദ്ദേഹം വ്യക്തമാക്കി. അറസ്റ്റിലായ ഉദ്യോഗസ്ഥരെ ഉടന് തന്നെ സസ്പെന്ഡ് ചെയ്തിട്ടുണ്ട്.
അടുപ്പമുള്ളവരെ പോലെ പെരുമാറി വിശ്വാസം പിടിച്ചുപറ്റിയ ശേഷം വൈകാരികമായും സാമ്പത്തികമായും ചൂഷണം ചെയ്യുന്ന രീതിയാണ് പ്രതികള് അവലംബിച്ചതെന്ന് എസ്ഐടി ചൂണ്ടിക്കാട്ടി. പലരും ജോലി നഷ്ടപ്പെടുമെന്ന ഭയത്തിലാണ് ഇത്രയും കാലം മൗനം പാലിച്ചത്.
ഒളിവിലുള്ള നിദ ഖാനായി തെരച്ചില് ഊര്ജിതമാക്കി. ഇവരുടെ ബാങ്ക് അക്കൗണ്ടുകളും ഫോണ് രേഖകളും പോലീസ് പരിശോധിക്കുന്നുണ്ട്. ലൗ ജിഹാദ് ആംഗിളും മതം മാറ്റാനുള്ള ശ്രമങ്ങളും ഗൗരവത്തോടെയാണ് മഹാരാഷ്ട്ര പോലീസ് കാണുന്നത്. വരും ദിവസങ്ങളില് കൂടുതല് അറസ്റ്റുണ്ടാകുമെന്നാണ് സൂചന.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
ഇന്ധനം ലാഭിക്കാന് ‘ദില്ലി മോഡല്’; ഉദ്യോഗസ്ഥര്ക്ക് ആഴ്ചയില് രണ്ട് ദിവസം വര്ക്ക് ഫ്രം ഹോം; യോഗങ്ങള് ഓണ്ലൈനാക്കാന് മുഖ്യമന്ത്രിയുടെ നിര്ദ്ദേശം; വീണ്ടും രാജ്യം വര്ക്ക് ഫ്രം ഹോം ആകുമോ?
