തിരുവനന്തപുരം: കേരള രാഷ്ട്രീയത്തിന്റെ ചരിത്രത്തില് ഇതുവരെ കണ്ടിട്ടില്ലാത്ത വിധം സിപിഎമ്മിന്റെ അടിത്തറയിളക്കിയ കൊഴിഞ്ഞുപോക്കുകള്ക്കാണ് 2026 നിയമസഭാ തിരഞ്ഞെടുപ്പ് സാക്ഷ്യം വഹിച്ചത്. സിപിഎമ്മിലെ കരുത്തരായ നേതാക്കളെ യുഡിഎഫ് പാളയത്തിലെത്തിച്ച് പടക്കളത്തിലിറക്കിയ കെ.സി. വേണുഗോപാലിന്റെ നയതന്ത്രജ്ഞത വിജയപ്രതീക്ഷ നല്കുന്നതോടെ, കോണ്ഗ്രസ് അധികാരത്തിലെത്തിയാല് മുഖ്യമന്ത്രി ആരാകുമെന്ന ചര്ച്ചകളും അണിയറയില് സജീവമായിക്കഴിഞ്ഞു.
ജി. സുധാകരന്, ഐഷാ പോറ്റി, ടി.കെ. ഗോവിന്ദന്, പി.വി. കുഞ്ഞിക്കൃഷ്ണന് തുടങ്ങി സിപിഎമ്മിന്റെ ഓരോ ജില്ലയിലെയും പടക്കുതിരകളെ യുഡിഎഫിന്റെ പോര്ച്ചട്ടയണിയിച്ചതിന് പിന്നില് കെ.സി. വേണുഗോപാല് എന്ന സംഘടനാ ശില്പിയുടെ മാസങ്ങള് നീണ്ട പ്രയത്നമുണ്ട്. ജി. സുധാകരനെപ്പോലെയുള്ള ഒരു മുതിര്ന്ന നേതാവിനെ ബിജെപിയിലേക്ക് പോകാതെ യുഡിഎഫ് സ്വതന്ത്രനായി അമ്പലപ്പുഴയില് മത്സരിപ്പിക്കാന് കഴിഞ്ഞത് കെസിയുടെ രാഷ്ട്രീയ വിജയമായാണ് വിലയിരുത്തപ്പെടുന്നത്. കണ്ണൂരിലെയും കൊല്ലത്തെയും സിപിഎം കോട്ടകളില് വിള്ളല് വീഴ്ത്താന് ഈ നേതാക്കളുടെ സാന്നിധ്യം യുഡിഎഫിനെ സഹായിച്ചു.
പാര്ട്ടി വിട്ടുപോയവര് ഉന്നയിച്ച ആരോപണങ്ങള്ക്ക് മറുപടി പറയാനാണ് ഇത്തവണ സിപിഎം നേതാക്കള് ഏറ്റവും കൂടുതല് വിയര്ത്തത്. പ്രത്യേകിച്ച് കണ്ണൂരില് ടി.കെ. ഗോവിന്ദനും കുഞ്ഞിക്കൃഷ്ണനും നേതൃത്വത്തിനെതിരെ നിരത്തിയ കുറ്റപത്രങ്ങള് കേരളത്തിലുടനീളം ചര്ച്ചയാക്കാന് കെസിക്ക് സാധിച്ചു. വ്യാജവാര്ത്തകളും വക്കീല് നോട്ടീസുകളുമായി കെസിയെ നേരിടാന് സിപിഎം ശ്രമിച്ചെങ്കിലും, ഗ്രൗണ്ട് ലെവലില് വോട്ടര്മാര്ക്കിടയില് ഈ നേതാക്കളുടെ മാറ്റം വലിയ സ്വാധീനം ചെലുത്തിയതായാണ് പ്രാഥമിക വിലയിരുത്തല്.
യുഡിഎഫ് തരംഗം ആഞ്ഞടിക്കുന്നു എന്ന പ്രവചനങ്ങള് പുറത്തുവന്നതോടെ കോണ്ഗ്രസിനുള്ളില് മുഖ്യമന്ത്രി സ്ഥാനത്തെക്കുറിച്ചുള്ള ചര്ച്ചകള്ക്ക് ചൂടേറി. തിരഞ്ഞെടുപ്പില് മത്സരിക്കാതെ മാറിനിന്ന്, സംസ്ഥാനത്തുടനീളം യുഡിഎഫിന്റെ പ്രചാരണ തന്ത്രങ്ങള് മെനഞ്ഞ കെ.സി. വേണുഗോപാലിലേക്ക് ഹൈക്കമാന്ഡിന്റെയും ഒരു വിഭാഗം നേതാക്കളുടെയും ശ്രദ്ധ തിരിഞ്ഞിട്ടുണ്ട്. മുഖ്യമന്ത്രി പദത്തിലേക്ക് കെസി വരണമെന്ന വാദം അദ്ദേഹത്തിന്റെ അനുയായികള് ശക്തമാക്കുമ്പോള്, പ്രതിപക്ഷ നേതാവ് വി.ഡി. സതീശന്റെയും കെ.പി.സി.സി അധ്യക്ഷന് കെ. സുധാകരന്റെയും പേരുകളും ചര്ച്ചകളിലുണ്ട്.
സിപിഎം വിമതരെ കൂടെക്കൂട്ടുന്നതിലൂടെ യുഡിഎഫിന്റെ സാധ്യതകള് വര്ദ്ധിപ്പിച്ച കെസിക്ക് പാര്ട്ടിക്കുള്ളില് വലിയ സ്വീകാര്യതയാണ് ലഭിച്ചിരിക്കുന്നത്. എങ്കിലും, ഭൂരിപക്ഷം ഉറപ്പിച്ച ശേഷം എംഎല്എമാരുടെ പിന്തുണയും ഹൈക്കമാന്ഡിന്റെ നിലപാടും നിര്ണ്ണായകമാകും. സിപിഎമ്മിനെ തളച്ച ‘മാസ്റ്റര് പ്ലാനിന്റെ’ ശില്പി എന്ന നിലയില് കെ.സി. വേണുഗോപാലിന് ഇത്തവണ വലിയ മേല്ക്കൈ ലഭിക്കുമെന്ന് ഉറപ്പാണ്. മെയ് 4-ന് ഫലം വരുമ്പോള് ഭരണം ലഭിച്ചാല് കേരളത്തിന്റെ അമരത്ത് ആരിരിക്കുമെന്നത് കോണ്ഗ്രസ് രാഷ്ട്രീയത്തിലെ പുതിയ പോരാട്ടത്തിന് വഴിവെച്ചേക്കാം.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
തിരുവനന്തപുരം സീറ്റ് എൽ ഡി എഫിൽ പ്രതിസന്ധി ; ആന്റണി രാജുവിന് മത്സരിക്കാനാവില്ലെന്ന് ഉറപ്പായതോടെ സീറ്റ് ഏറ്റെടുക്കാൻ സി പി എം ; വിട്ടുനൽകില്ലെന്ന് ജനാധിപത്യ കേരള കോൺഗ്രസ്
