ന്യൂഡൽഹി: പശ്ചിമ ബംഗാളിലെ വോട്ടർ പട്ടിക പുതുക്കുന്നതുമായി ബന്ധപ്പെട്ട തർക്കത്തിൽ സംസ്ഥാന സർക്കാരിനെതിരെ രൂക്ഷവിമർശനവുമായി സുപ്രീംകോടതി. വോട്ടർ പട്ടിക പരിഷ്കരിക്കുന്ന കാര്യത്തിൽ സംസ്ഥാന സർക്കാരും തെരഞ്ഞെടുപ്പ് കമ്മീഷനും തമ്മിലുള്ള ഭിന്നതയിൽ കോടതി കടുത്ത അതൃപ്തി രേഖപ്പെടുത്തി. “കോടതിയെ വെല്ലുവിളിക്കാൻ ധൈര്യപ്പെടരുത്” എന്ന് പശ്ചിമ ബംഗാൾ സർക്കാരിന് സുപ്രീംകോടതി ബെഞ്ച് കർശന മുന്നറിയിപ്പ് നൽകി.
എക്സിന് കേന്ദ്രത്തിന്റെ ‘ഷോക്ക് ട്രീറ്റ്മെന്റ്’! അശ്ലീല ഉള്ളടക്കങ്ങള് പരിശോധിക്കണം ; ഗ്രോക്ക് എഐയുടെ ദുരുപയോഗം; 72 മണിക്കൂറിനകം പരിശോധിച്ച് റിപ്പോര്ട്ട് മറുപടി നല്കണമെന്നും കേന്ദ്രസര്ക്കാര്
ഭരണഘടനാ സ്ഥാപനങ്ങൾ തമ്മിലുള്ള ഇത്തരം തർക്കങ്ങൾ ജനാധിപത്യ പ്രക്രിയയെ തടസ്സപ്പെടുത്തുന്നുവെന്ന് കോടതി നിരീക്ഷിച്ചു. വോട്ടർ പട്ടികയിൽ ലക്ഷക്കണക്കിന് വ്യാജ വോട്ടർമാരെ ഉൾപ്പെടുത്തിയിട്ടുണ്ടെന്നും വ്യാപകമായ ക്രമക്കേടുകൾ നടന്നിട്ടുണ്ടെന്നും ആരോപിച്ച് സമർപ്പിക്കപ്പെട്ട ഹർജികളിലാണ് കോടതിയുടെ ഇടപെടൽ. പട്ടിക കുറ്റമറ്റതാക്കുന്നതിൽ സംസ്ഥാന സർക്കാർ സഹകരിക്കുന്നില്ലെന്ന് തെരഞ്ഞെടുപ്പ് കമ്മീഷൻ കോടതിയെ അറിയിച്ചിരുന്നു. വോട്ടർ പട്ടിക പുതുക്കുന്നതിന്റെ മറവിൽ യഥാർത്ഥ വോട്ടർമാരെ പുറത്താക്കാൻ അനുവദിക്കില്ലെന്നാണ് മുഖ്യമന്ത്രി മമത ബാനർജിയുടെ നിലപാട്. കേന്ദ്ര ഏജൻസികളെ ഉപയോഗിച്ച് സംസ്ഥാനത്തിന്റെ അധികാരങ്ങളിൽ ഇടപെടാനാണ് ശ്രമമെന്നും തൃണമൂൽ കോൺഗ്രസ് ആരോപിക്കുന്നു.
നിശ്ചിത സമയത്തിനുള്ളിൽ കൃത്യമായ വോട്ടർ പട്ടിക തയ്യാറാക്കണമെന്നും ഇതിൽ വീഴ്ച വരുത്തിയാൽ കടുത്ത നടപടികൾ നേരിടേണ്ടി വരുമെന്നും കോടതി വ്യക്തമാക്കി.സംസ്ഥാനത്തെ രാഷ്ട്രീയ അന്തരീക്ഷം ചൂടുപിടിച്ചിരിക്കെ, അടുത്ത ആഴ്ച കേസ് വീണ്ടും പരിഗണിക്കുമ്പോൾ കോടതിയുടെ ഭാഗത്തുനിന്ന് എന്ത് നടപടിയുണ്ടാകുമെന്നാണ് രാജ്യം ഉറ്റുനോക്കുന്നത്.
ഒന്പതാം ബജറ്റിലും പതിവ് തെറ്റിക്കാതെ നിര്മല സീതാരാമന്; ഇത്തവണ പാരമ്പര്യം തുളുമ്പുന്ന കാഞ്ചീപുരം പട്ട് സാരി ധരിച്ച് ധനമന്ത്രി
