തിരുവനന്തപുരം: കേരളത്തിന്റെ മുഖ്യമന്ത്രി കസേരയിലേക്ക് ആര് എന്നതിനെ ചൊല്ലിയുള്ള തര്ക്കം മുറുകുന്നതിനിടെ, കോണ്ഗ്രസ് രാഷ്ട്രീയത്തെ ഞെട്ടിച്ച് എ.കെ. ആന്റണിയുടെ നിര്ണ്ണായക ഇടപെടല്. കേവലം എം.എല്.എമാരുടെ എണ്ണമല്ല, മറിച്ച് നേതാക്കളുടെ സീനിയോറിറ്റിയും അനുഭവസമ്പത്തുമാണ് മുഖ്യമന്ത്രിയെ നിശ്ചയിക്കുന്നതില് മാനദണ്ഡമാകേണ്ടതെന്ന് ആന്റണി നിലപാട് എടുത്തതോടെ രമേശ് ചെന്നിത്തലയ്ക്ക് സാധ്യതയേറി. വി.എം. സുധീരനും ചെന്നിത്തലയുടെ സീനിയോറിറ്റിയെ പിന്തുണച്ച് രംഗത്തെത്തിയതോടെ ഹൈക്കമാന്ഡ് പ്രതിസന്ധിയിലായിരിക്കുകയാണ്.
എ.ഐ.സി.സി ജനറല് സെക്രട്ടറി കെ.സി. വേണുഗോപാലിനെ മുഖ്യമന്ത്രിയാക്കാന് എം.എല്.എമാരില് മഹാഭൂരിപക്ഷവും ഹൈക്കമാന്ഡിലെ ഒരു വിഭാഗവും ചരടുവലിക്കുന്നതിനിടയിലാണ് ‘എകെ മനസ്സ്’ വെളിപ്പെട്ടത്. കെ. സുധാകരനും സണ്ണി ജോസഫും ഉള്പ്പെടെയുള്ളവര് വേണുഗോപാലിനായി നിലയുറപ്പിച്ചെങ്കിലും, പാര്ട്ടിയിലെ നാലാമനായ ആന്റണിയുടെ വാക്കുകള് തള്ളാന് സോണിയയ്ക്കും രാഹുലിനും എളുപ്പമാകില്ല. കെ.സിക്ക് ഡല്ഹിയിലുള്ള സ്വാധീനത്തേക്കാള് കേരളത്തിലെ സംഘടനാപരമായ പക്വതയ്ക്ക് ആന്റണി മുന്ഗണന നല്കുന്നത് വേണുഗോപാലിന് വലിയ വെല്ലുവിളിയാണ്.
ജനപിന്തുണയുടെയും പോരാട്ടവീര്യത്തിന്റെയും കരുത്തില് മുഖ്യമന്ത്രി പദത്തിനായി അവകാശവാദമുന്നയിക്കുന്ന വി.ഡി. സതീശന് ആന്റണിയുടെ നിലപാട് കനത്ത തിരിച്ചടിയാണ്. ‘സതീശനിസം’ എന്ന പേരില് പ്രവര്ത്തകര് തെരുവിലിറങ്ങി പന്തംകൊളുത്തി പ്രകടനം നടത്തുന്നതിനോട് ഹൈക്കമാന്ഡിന് അതൃപ്തിയുണ്ട്. എന്.എസ്.എസ് നേതൃത്വം സതീശന്റെ കാര്യത്തില് പുലര്ത്തുന്ന തണുപ്പന് പ്രതികരണവും അദ്ദേഹത്തിന് തിരിച്ചടിയാകുന്നു. മുഖ്യമന്ത്രിയായില്ലെങ്കില് മന്ത്രിസഭയിലേക്കില്ലെന്ന സതീശന്റെ കടുംപിടുത്തം ചെന്നിത്തലയ്ക്ക് കാര്യങ്ങള് എളുപ്പമാക്കിയേക്കും.
സീനിയോറിറ്റി എന്ന ഘടകം മുന്നിര്ത്തി ചെന്നിത്തലയുടെ പേര് ആന്റണി മുന്നോട്ടുവെക്കുന്നത് ഐ ഗ്രൂപ്പിന് പുതിയ ജീവന് നല്കിയിരിക്കുകയാണ്. എ ഗ്രൂപ്പിന്റെ മൗനാനുവാദം കൂടി ചെന്നിത്തലയ്ക്കുണ്ടെന്നാണ് സൂചന. എല്ലാവരെയും ഒന്നിച്ച് കൊണ്ടുപോകാന് കഴിയുന്ന സമവായ സ്ഥാനാര്ത്ഥി എന്ന നിലയില് ചെന്നിത്തലയ്ക്ക് ഇത് രാഷ്ട്രീയമായ ഒരു പുനര്ജന്മത്തിനുള്ള അവസരമാണ്. വി.എം. സുധീരന്റെ പിന്തുണ കൂടി ലഭിച്ചതോടെ മുതിര്ന്ന നേതാക്കളുടെ ഒരു കൂട്ടായ്മ തന്നെ ചെന്നിത്തലയ്ക്ക് പിന്നില് അണിനിരന്നിരിക്കുകയാണ്.
കേന്ദ്ര നിരീക്ഷകരായ അജയ് മാക്കനും മുകുള് വാസ്നിക്കും എം.എല്.എമാരെ ഓരോരുത്തരെയായി കണ്ട് അഭിപ്രായം തേടുന്നത് തുടരുകയാണ്. എങ്കിലും, എ.കെ. ആന്റണിയുടെ നിര്ദ്ദേശം സോണിയാ ഗാന്ധിക്ക് മുന്നിലെത്തിയാല് അത് മറികടന്നൊരു തീരുമാനം കോണ്ഗ്രസില് അസാധ്യമാണ്. രാഹുല് ഗാന്ധിയുടെ നിലപാടും നിര്ണ്ണായകമാകും. കേരളത്തിന്റെ അമരത്തേക്ക് രമേശ് ചെന്നിത്തല തിരിച്ചെത്തുമോ അതോ കെ.സി. വേണുഗോപാലിനെ കേരളത്തിലേക്ക് അയക്കുമോ എന്നതില് മണിക്കൂറുകള്ക്കകം വ്യക്തത വരും.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
മോഡലിംഗിന്റെ മറവില് അന്താരാഷ്ട്ര പെണ്വാണിഭം: അലീനയ്ക്കും സിന്ധുവിനും പുറമെ മഞ്ജിമയും കുടുങ്ങി; കൊച്ചിയിലെ മനുഷ്യക്കടത്തില് അന്വേഷണം ദുബായിലേക്ക്; നടുക്കുന്ന ക്രൂരതകളുടെ ചുരുളഴിയുന്നു
