രമേശ്‌ ചെന്നിത്തല മുഖ്യമന്ത്രിയാവണം : നെയ്യാറ്റിൻകരയിലെ ക്ഷേത്രങ്ങളിൽ നേർച്ചകളും വഴിപാടുകളും

മുതിർന്ന കോൺഗ്രസ് നേതാവ് രമേശ് ചെന്നിത്തല മുഖ്യമന്ത്രി പദവിയിലെത്തണമെന്ന ആഗ്രഹത്തോടെ നെയ്യാറ്റിൻകരയിലെ പ്രമുഖ ക്ഷേത്രങ്ങളിൽ വിശേഷാൽ വഴിപാടുകളും പ്രാർത്ഥനകളും നടത്തി. നെയ്യാറ്റിൻകര നഗരസഭാ കൗൺസിലർ ഗ്രാമം പ്രവീണിന്റെ നേതൃത്വത്തിലാണ് പ്രവർത്തകർ വിവിധ ആരാധനാലയങ്ങളിൽ ഈ പ്രത്യേക പൂജകൾ സംഘടിപ്പിച്ചത്. നെയ്യാറ്റിൻകര ശ്രീകൃഷ്ണ സ്വാമി ക്ഷേത്രം, മേലേത്തെരുവ് മുത്താരമ്മൻ ക്ഷേത്രം, രാമേശ്വരം മഹാദേവ ക്ഷേത്രം, കീഴേത്തെരുവ് മുത്താരമ്മൻ ക്ഷേത്രം എന്നിവിടങ്ങളിൽ രമേശ് ചെന്നിത്തലയുടെ പേരിൽ അർച്ചനയും മറ്റ് പ്രധാന വഴിപാടുകളും ഭക്തിപൂർവ്വം ഭാരവാഹികൾ നിർവഹിച്ചു. അദ്ദേഹത്തിന്റെ രാഷ്ട്രീയ ഭാവി ശോഭനമാകാനും വരാനിരിക്കുന്ന ഭരണനേതൃത്വത്തിലേക്ക് അദ്ദേഹം കടന്നുവരാനുമുള്ള പ്രാർത്ഥനകളാണ് ക്ഷേത്രങ്ങളിൽ ഉയർന്നത്. ചെന്നിത്തലയോടുള്ള ആദരസൂചകമായി സംഘടിപ്പിച്ച ഈ ചടങ്ങുകളിൽ നിരവധി പ്രാദേശിക കോൺഗ്രസ് പ്രവർത്തകരും നാട്ടുകാരും പങ്കുചേർന്നു.

Also Read ടയറൂരി മാറ്റി ജപ്തി തടയാൻ നോക്കി; സോബി ജോർജിന് ‘എട്ടിന്റെ പണി’ നൽകി അധികൃതർ!