കൊച്ചി: കുംഭമേളയിലെ ഒരൊറ്റ ഫോട്ടോയിലൂടെ സോഷ്യല് മീഡിയ കീഴടക്കിയ ‘വൈറല് സുന്ദരി’യുടെ വിവാഹത്തെച്ചൊല്ലിയുള്ള കേസ് അതിസങ്കീര്ണ്ണമായ നിയമപോരാട്ടത്തിലേക്ക്. യുവതിയെ തേടി മധ്യപ്രദേശില് നിന്നുള്ള പോലീസ് സംഘം കൊച്ചിയില് ക്യാമ്പ് ചെയ്യുകയാണ്. എന്നാല് ദിവസങ്ങള് പിന്നിട്ടിട്ടും പെണ്കുട്ടിയെ കണ്ടെത്താന് കഴിയാത്തത് പോലീസിനെ കുഴപ്പിക്കുന്നു. കൊച്ചിയിലെ ആഡംബര ഫ്ലാറ്റുകളിലോ അതോ മറ്റാരെങ്കിലും രഹസ്യ സങ്കേതത്തിലോ ആണോ ഇവരെ ഒളിപ്പിച്ചിരിക്കുന്നത് എന്ന സംശയം ബലപ്പെടുകയാണ്.
മഹേശ്വര് സി.ഐ ഗണ്പത് കനയാലും വനിതാ എസ്.ഐയും ഉള്പ്പെടെയുള്ള അഞ്ചംഗ സംഘം തൃക്കാക്കര പോലീസിന്റെ സഹായത്തോടെ വ്യാഴാഴ്ച നഗരത്തിന്റെ വിവിധ ഭാഗങ്ങളില് അരിച്ചുപെറുക്കി. എന്നാല് പെണ്കുട്ടിയെയോ ഭര്ത്താവ് ഫര്മാന് ഖാനെയോ കണ്ടെത്താനായില്ല. ഹൈക്കോടതിയിലെ ജാമ്യഹര്ജിയിലെ തീരുമാനം വരുന്നത് വരെ ഇവരെ രഹസ്യ കേന്ദ്രത്തില് മാറ്റിയിരിക്കുകയാണെന്നാണ് സൂചന. പെണ്കുട്ടിയെ സുരക്ഷിതയായി ഒളിപ്പിക്കാന് നഗരത്തിലെ ചില സ്വാധീനശക്തികള് പിന്നിലുണ്ടോ എന്നതും മധ്യപ്രദേശ് പോലീസ് അന്വേഷിക്കുന്നുണ്ട്.
പെണ്കുട്ടിയുടെ പിതാവിന്റെ പരാതിയില് ഫര്മാന് ഖാനെതിരെ തട്ടിക്കൊണ്ടുപോകലിന് മധ്യപ്രദേശില് കേസെടുത്തിട്ടുണ്ട്. ഇതിനുപുറമെ പെണ്കുട്ടിക്ക് പ്രായപൂര്ത്തിയായില്ലെന്ന വാദമുയര്ത്തി പോക്സോ വകുപ്പും ഫര്മാനെതിരെ ചുമത്തിയിട്ടുണ്ട്. മധ്യപ്രദേശ് പോലീസ് വരുന്നത് മുന്കൂട്ടി കണ്ട് ഫര്മാന് ഖാന് കോടതിയെ സമീപിച്ച് മെയ് 20 വരെ അറസ്റ്റ് തടഞ്ഞത് പോലീസിന് വലിയ തിരിച്ചടിയായി. എന്നാല് മൊഴിയെടുക്കാതെ മടങ്ങില്ലെന്ന ഉറച്ച തീരുമാനത്തിലാണ് അഞ്ചംഗ സംഘം.
പെണ്കുട്ടിക്ക് 18 വയസ്സ് തികഞ്ഞെന്നും നിയമപരമായാണ് വിവാഹം നടന്നതെന്നുമാണ് കേരള പോലീസിന്റെയും ഭര്ത്താവിന്റെയും വാദം. എന്നാല് മധ്യപ്രദേശ് പോലീസ് ഇത് അംഗീകരിക്കുന്നില്ല. അവരുടെ പക്കലുള്ള രേഖകള് പ്രകാരം പെണ്കുട്ടി പ്രായപൂര്ത്തിയായിട്ടില്ല. ഈ പ്രായത്തര്ക്കമാണ് കേസിനെ സങ്കീര്ണ്ണമാക്കുന്നത്. സത്യം പുറത്തുകൊണ്ടുവരാന് പെണ്കുട്ടിയെ നേരിട്ട് കണ്ട് സര്ട്ടിഫിക്കറ്റുകള് പരിശോധിക്കാനാണ് സി.ഐയും സംഘവും ലക്ഷ്യമിടുന്നത്.
മാര്ച്ച് 11-ന് തിരുവനന്തപുരം അരുമാനൂര് ക്ഷേത്രത്തില് വെച്ചായിരുന്നു ഇരുവരുടെയും വിവാഹം. ഒരു മതാചാര പ്രകാരം നടന്ന വിവാഹത്തിന് നിയമസാധുതയുണ്ടോ എന്ന ചോദ്യം മധ്യപ്രദേശ് പോലീസ് ഉന്നയിക്കുന്നു. മറുനാട്ടില് നിന്നെത്തി ഒളിച്ചോടി വിവാഹം കഴിച്ചതിന് പിന്നില് വന് ആസൂത്രണം നടന്നതായി അവര് സംശയിക്കുന്നു. കൊച്ചിയിലെ സുഹൃത്തുക്കളും ഈ വിവാഹത്തിന് ഒത്താശ ചെയ്തതായാണ് വിവരം.
ഫര്മാന് ഖാന്റെ കൊച്ചിയിലെ അടുത്ത സുഹൃത്തിനെ ചോദ്യം ചെയ്യാന് മധ്യപ്രദേശ് പോലീസ് ശ്രമിച്ചെങ്കിലും ഇയാള് ഹാജരായില്ല. പോലീസിനെ കണ്ടപ്പോള് ഇയാള് മുങ്ങിയത് ദുരൂഹത വര്ദ്ധിപ്പിക്കുന്നു. പെണ്കുട്ടിയെ ഒളിവില് താമസിപ്പിക്കാന് എല്ലാ സഹായവും നല്കിയത് ഈ സുഹൃത്താണെന്നാണ് പോലീസ് കരുതുന്നത്. ഇയാളെ പിടികൂടിയാല് മാത്രമേ പെണ്കുട്ടി എവിടെയുണ്ടെന്ന് വ്യക്തമാകൂ.
ഇതിനിടെ തന്നെ മധ്യപ്രദേശിലേക്ക് തിരികെ കൊണ്ടുപോകുന്നത് തടയണമെന്നും പോലീസ് സംരക്ഷണം നല്കണമെന്നും ആവശ്യപ്പെട്ട് പെണ്കുട്ടി മുഖ്യമന്ത്രി പിണറായി വിജയനും സിറ്റി പോലീസ് കമ്മിഷണര്ക്കും പരാതി നല്കിയിട്ടുണ്ട്. തന്റെ ഇഷ്ടപ്രകാരമാണ് വിവാഹം കഴിച്ചതെന്നും നാട്ടിലേക്ക് പോയാല് ജീവന് ഭീഷണിയുണ്ടെന്നുമാണ് പെണ്കുട്ടിയുടെ വാദം. ഈ നീക്കം പോലീസിനെ കൂടുതല് സമ്മര്ദ്ദത്തിലാക്കി.
ം!
ഫര്മാന് ഖാന് നല്കിയ ജാമ്യഹര്ജിയിലെ കോടതി തീരുമാനം ഈ കേസില് നിര്ണ്ണായകമാകും. കോടതി അറസ്റ്റ് തടയുന്നത് നീട്ടിയാല് മധ്യപ്രദേശ് പോലീസിന് വെറുംകയ്യോടെ മടങ്ങേണ്ടി വരും. മെയ് 20 വരെ കാത്തിരിക്കാന് മധ്യപ്രദേശ് പോലീസ് തയ്യാറാണോ എന്നതാണ് അടുത്ത ചോദ്യം. കൊച്ചിയിലെ വിവിധ ലോഡ്ജുകളും ഹോംസ്റ്റേകളും പോലീസ് നിരീക്ഷണത്തിലാണ്. വൈറല് പെണ്കുട്ടിയെ കണ്ടെത്തി മൊഴി രേഖപ്പെടുത്താതെ പിന്വാങ്ങില്ലെന്ന് മഹേശ്വര് സി.ഐ ഗണ്പത് കനായല് വ്യക്തമാക്കി.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
വായനക്കാരുടെ അഭിപ്രായങ്ങള് അവരുടേത് മാത്രമാണ്, വയർലെസ്സ് മീഡിയയുടെ അല്ല.
ഇവിടെ കുറിക്കുന്ന പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക.
സമൂഹത്തിൽ ഭിന്നതയോ സ്പർധയോ വളർത്തുന്നതോ, അധിക്ഷേപമാകുന്നതോ,
അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്.
അത്തരം പ്രതികരണങ്ങൾ നിയമനടപടി നേരിടേണ്ടി വരും.
തെന്മലയിൽ പുലിയുടെ ആക്രമണത്തിൽ പരിക്കേറ്റ വീട്ടമ്മ പേവിഷബാധയേറ്റ് മരിച്ചു
