വയനാട്: കേരളം വിധി എഴുതുന്ന ഈ നിർണ്ണായക ദിനത്തിൽ വോട്ടുത്സവത്തിന്റെ വേറിട്ട കാഴ്ചകൾക്ക് സാക്ഷ്യം വഹിച്ച് വയനാടും പത്തനംതിട്ടയും. വിവാഹച്ചടങ്ങിന്റെ തിരക്കുകൾക്കിടയിലും പൗരന്റെ കടമ മറക്കാതെ വിവാഹപ്പന്തലിൽ നിന്ന് നേരെ പോളിംഗ് ബൂത്തിലെത്തി വോട്ട് രേഖപ്പെടുത്തി രണ്ട് നവവധുക്കൾ.
വയനാട് മേപ്പാടി സ്വദേശി അഖില ആന്റണി മൈക്കിളാണ് വോട്ടുചെയ്യാൻ ആദ്യമെത്തിയത്. വിവാഹ വസ്ത്രത്തിൽ, സർവ്വാഭരണ വിഭൂഷിതയായി മേപ്പാടി ഗവൺമെന്റ് ഹയർ സെക്കൻഡറി സ്കൂളിലെ 191-ാം നമ്പർ ബൂത്തിലെത്തിയ അഖിലയെ വോട്ടർമാരും ഉദ്യോഗസ്ഥരും കൗതുകത്തോടെയാണ് വരവേറ്റത്. തന്റെ ജീവിതത്തിലെ ഏറ്റവും വലിയ സ്വപ്നസാഫല്യമായ വിവാഹത്തിനൊപ്പം തന്നെ പ്രധാനമാണ് രാജ്യത്തോടുള്ള കടമയെന്നും വോട്ട് രേഖപ്പെടുത്തിയ ശേഷം അഖില മാധ്യമങ്ങളോട് പറഞ്ഞു.
പത്തനംതിട്ട അടൂരിലും സമാനമായ കാഴ്ചയാണ് കണ്ടത്. നെല്ലിമുകൾ സ്വദേശിനി ആശ വിൽസൺ വിവാഹത്തിന് തൊട്ടുമുമ്പായി പാറക്കൂട്ടം സർക്കാർ എൽ.പി സ്കൂളിലെത്തി വോട്ട് രേഖപ്പെടുത്തി. പുത്തൻ വസ്ത്രമണിഞ്ഞ് ബന്ധുക്കൾക്കൊപ്പം ബൂത്തിലെത്തിയ ആശ വോട്ട് ചെയ്ത ശേഷമാണ് വിവാഹ വേദിയിലേക്ക് മടങ്ങിയത്.തിരഞ്ഞെടുപ്പ് കമ്മീഷന്റെ ‘വോട്ട് വണ്ടി’യും ബോധവൽക്കരണ പരിപാടികളും സജീവമായ കേരളത്തിൽ, ഈ നവവധുക്കളുടെ ആവേശം പുതുതലമുറയ്ക്ക് വലിയൊരു മാതൃകയാണ് നൽകുന്നത്.
Disclaimer:
The images displayed on this website are taken from external platforms including Google Images and social media networks (Instagram, Facebook, X, etc.) and other public sources on the internet.
വിവാഹം പ്രായപൂര്ത്തിയായ ശേഷം; ആരോപണങ്ങള് പച്ചക്കള്ളം; തെളിവുകള് പുറത്തുവിട്ട് വൈറല് താരം മോണാലിസയും ഫര്മാനും
