കള്ളപ്രചാരണം നടത്തുന്നവരെ അയ്യപ്പനും ഭദ്രകാളിയും ശിക്ഷിക്കും; ആനയറ ക്ഷേത്ര വിവാദത്തിൽ വൈകാരിക പ്രതികരണവുമായി കടകംപള്ളി സുരേന്ദ്രൻ

കഴക്കൂട്ടം: തിരഞ്ഞെടുപ്പ് പ്രചാരണം അവസാനഘട്ടത്തിൽ എത്തിനിൽക്കെ കഴക്കൂട്ടം മണ്ഡലത്തിൽ ആചാരലംഘന ആരോപണങ്ങളെച്ചൊല്ലി രാഷ്ട്രീയപ്പോര് മുറുകുന്നു. ആനയറ മുല്ലൂർ ഭദ്രകാളി ക്ഷേത്രത്തിലെ മേൽശാന്തിയുടെ ആത്മഹത്യയുമായി ബന്ധപ്പെടുത്തി തനിക്കെതിരെ നടക്കുന്ന പ്രചാരണങ്ങൾ തികച്ചും അടിസ്ഥാനരഹിതമാണെന്ന് എൽ.ഡി.എഫ്. സ്ഥാനാർഥി കടകംപള്ളി സുരേന്ദ്രൻ പറഞ്ഞു. ഈ കള്ളപ്രചാരണം നടത്തുന്നവർക്ക് അയ്യപ്പനും ഭദ്രകാളിയും തക്കതായ ശിക്ഷ നൽകുമെന്നും അദ്ദേഹം വാർത്താസമ്മേളനത്തിൽ വൈകാരികമായി പ്രതികരിച്ചു.

മതത്തെയും വിശ്വാസത്തെയും രാഷ്ട്രീയ ലാഭത്തിനായി ബി.ജെ.പി. ദുരുപയോഗം ചെയ്യുകയാണെന്ന് കടകംപള്ളി കുറ്റപ്പെടുത്തി. ആനയറ ക്ഷേത്രത്തിൽ ഒരുവിധത്തിലുള്ള ആചാരലംഘനവും ഉണ്ടായിട്ടില്ലെന്നും അദ്ദേഹം വ്യക്തമാക്കി. ശബരിമല വിഷയത്തിന് പിന്നാലെ വീണ്ടും ക്ഷേത്രവിശ്വാസങ്ങൾ തിരഞ്ഞെടുപ്പ് ചർച്ചകളിലേക്ക് വലിച്ചിഴയ്ക്കപ്പെടുന്ന സാഹചര്യത്തിലാണ് കടകംപള്ളിയുടെ പ്രതികരണം.

 “കേരളത്തിലെ പ്രധാനപ്പെട്ട ആയിരത്തോളം ക്ഷേത്രങ്ങളിൽ പോയിട്ടുള്ള വ്യക്തിയാണ് ഞാൻ. ക്ഷേത്രങ്ങളിൽ എങ്ങനെ പെരുമാറണമെന്ന് എനിക്ക് വ്യക്തമായ ബോധ്യമുണ്ട്. പൂജാരിമാർ നൽകുന്ന തീർത്ഥം ഭക്തിപൂർവ്വം സ്വീകരിക്കാറുമുണ്ട്.” ഇതുവരെ ഒരു ക്ഷേത്രത്തിൽ നിന്നും തനിക്കെതിരെ പെരുമാറ്റദൂഷ്യത്തെക്കുറിച്ച് പരാതികൾ ഉയർന്നിട്ടില്ലെന്ന് അദ്ദേഹം ഓർമ്മിപ്പിച്ചു. വിശ്വാസികളെ തെറ്റിദ്ധരിപ്പിക്കാനാണ് ബിജെപി ശ്രമിക്കുന്നത്. ആനയറയിലെ നിർഭാഗ്യകരമായ സംഭവത്തെ രാഷ്ട്രീയവൽക്കരിക്കുന്നത് നീചമാണെന്നും അദ്ദേഹം പറഞ്ഞു.കഴക്കൂട്ടത്ത് ശക്തമായ ത്രികോണ മത്സരം നടക്കവെ, വിശ്വാസവുമായി ബന്ധപ്പെട്ട ഈ പുതിയ വിവാദം